МЭРГЭЖЛИЙН СЭТГЭЛ ЗҮЙЧДЭД ЗОРИУЛСАН ЧАДАВХЖУУЛАХ СУРГАЛТ ЗОХИОН БАЙГУУЛЖ БАЙНА
Монгол Улсын Засгийн газар болон Америкийн Нэгдсэн Улсын Төрийн департамент хооронд байгуулсан “Хүүхэд хамгааллын түншлэлийн компакт” Хүн худалдаалахаас хүүхдийг хамгаалах нь төсөл дөрөв дэх жилдээ хэрэгжиж байна.
Төслийн хүрээнд тус Ажлын албанаас Хөдөлмөр, нийгмийн хамгааллын яам, Дэлхийн зөн Монгол ОУБ, Хэрэглээний сэтгэл судлалын хүрээлэнтэй хамтран мэргэжлийн сэтгэл зүйчдэд зориулсан “Хүн худалдаалах гэмт хэргийн гэрч, хохирогч хүүхдэд сэтгэл зүйн зөвлөгөө, тусламж үзүүлэх нь” сэдэвт чадавхжуулах сургалтыг 2024 оны 03 дугаар сарын 25-29-ний өдрүүдэд зохион байгуулж байна.
Сургалтад Цагдаагийн ерөнхий газар болон аймаг, нийслэл, дүүргийн Хүүхэд, гэр бүлийн хөгжил, хамгааллын хэлтэс, төрийн бус байгууллагын сэтгэл зүйчид хамрагдаж байна.
