Хамтын ажиллагааны талаар санал солилцлоо

Монгол Улсад гэмт хэргээс урьдчилан сэргийлэх ажлыг зохицуулах зөвлөлийн Ажлын албаны дарга Л.Нямгэрэл НҮБ-ын Мансууруулах бодис, гэмт хэрэгтэй тэмцэх алба (UNODC)-ны Монгол дахь суурин төлөөлөгч Нгуен Дук Лон, тус албаны үндэсний зөвлөх Г.Бадарч нарыг хүлээн авч уулзлаа.

Энэ үеэр хэрэглэгчийн судалгаа хийх, эмч, эмнэлгийн алба хаагчдад зориулсан сургалт зохион байгуулах, мансуурах донтой иргэдэд үйлчилгээ үзүүлэх “нөхөн сэргээх төв” байгуулах зэрэг үйл ажиллагаанд НҮБ-ын Мансууруулах бодис, гэмт хэрэгтэй тэмцэх албанаас дэмжлэг үзүүлж, хамтран ажиллах саналаа Ажлын албаны дарга Л.Нямгэрэл илэрхийллээ.

Мөн НҮБ-ын Мансууруулах бодис, гэмт хэрэгтэй тэмцэх албанаас энэ онд хэрэгжүүлэх хөтөлбөр, төлөвлөгөөг Ажлын албаны үйл ажиллагаатай уялдуулан зохион байгуулах талаар санал солилцов.  

Түүнчлэн Дотоод хэргийн их сургуулийн Цагдаагийн сургууль болон цагдаагийн алба хаагч тэр дундаа орон нутагт ажиллаж буй мөрдөгчид хил орчмын бүсэд ажиллаж байгаа хилийн цэргийн албан хаагчдын ур чадварыг нэмэгдүүлэх, чадавхжуулах сургалт, хөтөлбөр хэрэгжүүлэх чиглэлээр дэмжлэг үзүүлж, хамтын ажиллагаагаа өргөжүүлэх төлөвлөгөөтэй байгаагаа суурин төлөөлөгч Нгуен Дук Лон мэдэгдлээ.