“ХҮН ХУДАЛДААЛАХ ГЭМТ ХЭРГЭЭС УРЬДЧИЛАН СЭРГИЙЛЭХ НЬ” ХАКАТОН УРАЛДААН ШИЛДГҮҮДЭЭ ШАЛГАРУУЛЛАА
“Хүн худалдаалах гэмт хэргээс урьдчилан сэргийлэх нь” хакатон уралдаан амжилттай зохион байгуулагдлаа.
Хакатон уралдааны хоёрдугаар шатанд шалгарсан МУИС, ДХИС, СЭЗИС, ИЗИС, Шихихутуг их сургуулийн шилдэг 10 баг хүн худалдаалах гэмт хэргээс урьдчилан сэргийлэх, таслан зогсоох чиглэлээр өөрсдийн боловсруулсан санал санаачилга, шинэлэг шийдэл буюу хамгаалалтын систем нэвтрүүлэх, аппликейшн хөгжүүлэлт, нөлөөллийн аян, арга хэмжээ зохион байгуулах зэрэг судалгааны ажлынхаа талаар танилцуулга хийлээ.
“Хүн худалдаалах гэмт хэргээс урьдчилан сэргийлэх нь” хакатон уралдааны шүүгчдийн нийлбэр дүнгээр тэргүүн байрт Дотоод хэргийн их сургуулийн “Шонхор” баг, дэд байрт Монгол Улсын их сургуулийн “Цахилбаа” баг, гутгаар байрт Шихихутуг их сургуулийн “Ёгт” баг тус тус шалгарлаа.
